موسم رمضان ١٩٧٤ يستعرضه محمد حربي، ماهي المسلسلات التي عُرضت وقتها ! وقصتها
- صفحة الكاتب
-
منذ سنة - Monday 27 March 2023
AF
القاهرة - محمد حربي
أول حاجة حضرتك هنلاقي ٣ مسلسلات مفيش غيرهم ،المسلسل الأول"الدوامة" بطولة نجم السينما و السينمات المجاورة محمودياسين و معاه فراشة الشاشة نيللي ١٣ حلقة في السريع كده و المسلسل تأليف إبراهيم الورداني و اخراج نور الدمرداش أبو الدراما التليفزيونية.
المسلسل التاني"العنكبوت" تأليف بطل العلم و الأيمو مصطفي محمود بطولة عزت العلايلي و محمود المليجي و اخراج وحش الإخراج التليفزيوني يحيي العلمي و المسلسل شاكب راكب ٧ حلقات(مفيش وقت يا جماعة) و بما اننا خارجين من حرب لازم نعمل حاجة كده فيه جاسوسية و ابطال و لازم يبقي فيها يوسف شعبان
و ده مسلسل "جاسوس علي الطريق" بطولة يوسف فخر الدين و إبراهيم خان و زيزي البدراوي و حمدي احمدي و اخراج الشقنقيري الكبير (مش الصغير طبعا)
المسلسلات خلصت نروح للسهرات،سهرة درامية كده بتاع ساعة علشان الناس تشوف مصالحها هنلاقي سهرات درامية زي "ظلال الشك ، الموديل ، البحث عن جريمة
و سهرة رجل زائد عن الحاجة بطولة الفارس احمد مظهر
و بما انه شهر فضيل التليفزيون هيصرف و يذيع الفيلم العالمي "نفرتيتي " بطولة المليجي و صلاح ذو الفقار و ظهور خاص للنجمة العالمية جيرالدين شابلن
ده غير الفقرات الكوميدية اللي بيقدمها المعلم محمد رضا و صفاء أبو السعود و نبيلة السيد
