محمود حميدة: خلعت سناني بسبب "جنة الشياطين"
-
منذ سنة - Monday 10 October 2022
أكد الفنان محمود حميدة، انه قام بخلع أسنانه بسبب تصوير مشهد في فيلم "جنة الشياطين"، الذي تم عرضه في السينما عام 1999.
وقال حميدة، خلال محاضرته المقامة ضمن فعاليات مهرجان الإسكندرية السينمائى لدول البحر المتوسط في الدورة 38 :"لما اتسألت على خلع اسناني بسبب فيلم جنة الشياطين قلت لهم طلبات الأسياد".
وتابع:" كنت بهرج لأن حقيقة الأمر أنا كنت منتج الفيلم وكنا عاوزين نعمل مكياج عشان يبان سنتين فاضيين عشان في مشاهد صريحة لها، فكلمنا ماكير في أوروبا وطلب مبلغ كبير فقلت أنا هاشيل سناني، وطبعا الحكاية أثرت عليا لأن لما السنان بتتخلع شكل الفم يتغير وفضلت فترة اتعالج".
وأتم محمود حميدة: "الممثل هيفضل يضحي لأكتر حاجة يقدر يتحملها حتى يموت، لأن أنا بعير جسدي لشخص آخر، وإحنا في تجاربنا بنتجاوز حدود المعقول ويكاد شبه جنون، زي ما في ممثل أضعف بصره عشان يلعب دور أعمى، واصبح نظره ضعيف بعد ذلك".
