رانيا يوسف: اتطلقت بسبب التكييف.. وعندي مشاكل مع أمي من طفولتي

اسلام عبدالتواب

مراسل صحافي مصري من القاهرة- للشأن المصري ، ومحرر صفحة الرياضة في AF

AF

كشفت الفنانة المصرية رانية يوسف، خلال استضافتها في برنامج The Blind Date Show، العديد من أسرار حياتها الشخصية.

وقالت رانيا أنها واجهت منذ صغرها مشكلة كبيرة في التواصل مع والدتها، فقالت: "كان عندي دايماً مشاكل مع أمي، أنا وهي مش بنعرف نكلم بعض ولغاية دلوقتي". وأضافت: "لغاية سن 16 أو 17 سنة كانت متحكّمة في حياتي بشكل فظيع، ويصعب عليَّ إني لما أحتاج لها مش بلاقيها ولا بتفهمني. ده خلق عندي حاجة عكسية، إني مع بناتي بسمع كلامهم وأسيبهم ياخدوا قرارتهم".

وعن رأيها في تبادل الهدايا بين الرجل والمرأة، وخاصة في مرحلة المواعدة، قالت رانيا يوسف: "بحكم إني بشتغل من فترة طويلة اتعودت أجيب حاجتي بنفسي، لكن ما يمنعش زي ما بيقول المثل أنا غنية وأحب الهدية، إن جوزي يدلّعني ويجيب هدية حلوة، دي حاجة لطيفة".

وأضافت: "الستات مش المفروض تجيب هدايا للرجالة، أنا لوحدي هدية، والرجالة المفروض تدلع الستات مش العكس، أنا أدلعك بطريقتي، ممكن مثلاً أدلعك بإنك ترجع البيت تلاقيني عاملة علشانك بيض بالبسطرمة، وده يبقى حدث لإني مش بطبخ".

وعن طلاقها قالت:" أنا مطلقة من 5 سنين وسريري بتاعي، وعايزة مروحة سقف لإن عندي مشكلة مع التكييف في الصيف والشتا، والتكييف كان أحد أسباب طلاقي الأول»، وأكملت حديثها «أول طلاق كان صعب جدا والقرار استغرق مني 5 سنين وكنت بحبه".