لوسي: ابني فخور إني رقاصة.. وبيقولي هزي كويس

اسلام عبدالتواب

مراسل صحافي مصري من القاهرة- للشأن المصري ، ومحرر صفحة الرياضة في AF

 AF

أكدت الفنانة والراقصة لوسي، أن تربية وثقافة نجلها "فتحي"، جعلته يحترم الرقص ويعرف أنه فن راقي ومحترم.

وقالت لوسي في تصريحات لبرنامج "العرافة":"تربية وثقافة ابني فتحي خليته عارف أن الرقص فن كويس ومحترم، وقالي ربنا معاكي وهزي كويس من باب أن العمل بجد وتركيز هيكون سبب في النجاح".

وتابعت لوسي:"فتحي ابني لما قاللي هزي كويس يعني اشتغلي بذمة وهو زيي بيحب الهزار، انا بهز فعلا، ودايما يقولي ارقصى كويس ومثلي كويس".
 
واكملت الفنانة المصرية:" ثقافة ابني فتحي وتربيته مختلفة وهو بيلعب مزيكا وطالما فكرت اجيب طفل يا ربيه كويس وبما يرضى ربنا يا متجبيش أطفال ونرميها في الشارع فأنا جيبت طفل وقعدنا أنا وجوزي بنربي راجل النهارده معاه بكالوريوس هندسة ميكانيكا وبيشتغل في أمريكا وبيحضر للماجستير، فيقول هزي كويس اوا انكشي شعرك علشان بتبقى حلوة عادي".
 
وتابعت لوسي:"ابني لما كبر بيقدر شغلي ودايما يقولي ربنا معاكي، ولما قال لي هزي كويس كانت في حفلة للتليفزيون المصري في الساحل الشمالي وكانت مذاعة ".

وأتمت لوسي:"انا فخورة بإبني لما قاللى هزي كويس وهو فخور بأمه لوسي اللى بترقص، وانا فخورة بنفسي".