رانيا يوسف: كان بيجيلي عرسان وأنا متجوزة.. وبحب ربنا ولكن مش بخاف منه

اسلام عبدالتواب

مراسل صحافي مصري من القاهرة- للشأن المصري ، ومحرر صفحة الرياضة في AF

AF

حلت الفنانة رانيا يوسف، ضيفة على الإعلامية بسمة وهبة في برنامج العرافة، وأطلقت العديد من التصريحات المثيرة.

وقالت الفنانة المصرية:" أنا بحب ربنا ولكن مش بخاف منه، وأنا مبعملش حاجة غلط.. أخاف منه ليه؟".

وتابعت:"أنا مش ملاك وربنا خلقني بغلط عشان أرجعله وأستغفر له ومش معنى إني بستغفر إني بخاف منه؛ لأ أنا بعمل كدا لأني بحبه،  ليه دايما عايشين في الخوف وبنخوف الناس من ربنا؟ وأنا مش بخاف من الموت ولا يفرق معايا بالعكس الموت راحة من المسئوليات".

وأكملت:" أنا بخاف على بناتي بس ومش بخاف من يوم الحساب وعندي ثقة مطلقة ولو سألني على فستاني هقوله أنا غلطت ورجعت وكان سوء تقدير مني وبنتي لما لبست فستاني بعدها كانت طفلة عندها 16 سنة إيه الإغراء فيها؟ وأنا مربية بناتي على الحرية في حدود وهي عملت إيه يعني دي لبست فستاني ومكنش عليها زيي لأنها مش زيي".

وتطرقت رانيا يوسف للحديث عن علاقاتها العاطفية، مشيرة إلى أنها تزوجت 3 مرات تحت ضغط المجتمع والدين، ولم تتخطَ حاجز الـ 7 زيجات في حياتها، بل لديها زملاء وأصدقاء فشلوا في 7 زيجات، مؤكدة أنها لا تهتم بالماديات في الزواج بل أهم شيء الحب والاحترام.

وأكملت:"كنت بعمل حساب للمجتمع دلوقتي لأ.. لما وقعت في مشاكل محدش وقف جمبي، و أنا ست مش سهلة ومش معنى أني طيبة ومش بأذي حد أني هبلة وبتضرب على قفايا".

وأردت:"عرفت مين حطلي حشيش في العربية بس معرفتش أثبت".

وأكملت :" كان بيجيلي عرسان وأنا متجوزة، ومش شايفة أنها إهانة لزوجي، هو مبيجيش يقولي بشكل مباشر، لكن واحدة صاحبتي أو قريبتي هي اللي بتقولي".

وأتمت:"بعد ربع ساعة أقدر أتجوز أغنى رجل في الوطن العربي.. لكن أنا مش بتاعة فلوس، وفي الوقت الحالي قررت أني مش هتجوز خالص".